كيفكم يا حلوين ؟؟
طبعا زي منتو عارفين أمس كانت عندنا مطرة في جدة ,,
وكان الجو مررررررا واااااااااااااو ,,
الله يجعلها سقيا رحمة ,,
وكيفكم مع الصيام اليوم ؟؟
الله يثبتنا على الطاعات ,,
,,,,
Bad luck , Bad shot
لا أحد يقول شي ,, أعرف إنها صورة جدا سيئة ,, 
بس أحكيكم حكايتها ,,
بما إنو الجو أمس كان حلو و ما يتفوت ,,
فقررنا نخرج نجلس على البحر ,,
واخدت معايا كاميرتي عشان قلت أبغى أصور البحر ,,
لأني مررررة أعشق تصوير الاند سكيب ,,
وليا فترة مرة نفسي آخد لقطات حلوة لبحرنا القمييل ,,
ومرررة أتمنيت وقتها وانا في البيت قبل ما نخرج ,,
إنو يكون عندي كاميرا إحترافية وعدسات وهيك ,,
عشان نفسي أخرج بصور إحترافية للبحر ,,
بس قلت مو مشكلة الإمكانات البسيطة ما توقف في وجه المبدعين ,, 
آآآآآآآآآآآآآآآآآآآه يا قلبي ,, 
اللي حصل كنا متفقين نخرج بدري من البيت عشان نوصل بدري ونلاقي مكان ,,
بس ربي راد يحصل العكس ,,
خرجنا متأخرين و وصلنا متأخرين ,,
وبالتالي أخدنا وقت أكتر عشان لقينا حتة فاضية نجلس فيها ,,
و للأسف كانت الحتة اللي لقيناها من أسوأ الحتت ,, 
المنظر والمنطقة بشكل عام ما تحمس للتصوير ,,
هادا غير ( عذرا ) الزبالة والقرف والوساخة في كل مكان ,,
والشاطئ جدا مقرف قررررف ,,
معليش معليش ,,
هنا في هادي النقطة حابة أتفلسف شوية ,,
يعني لمتى نحن أهل جدة حنفضل عايشين وسط القرف والزبالة ؟؟ 
والله من جد الزبالة والوساخة في كل مكان ,,
أمس البحر كان مقرف بمعنى الكلمة ,, وحشراااااااااات ,, 
شي يطير وشي يزحف وشي يمشي ,,
والله ما أتهنينا بالبحر ,,
أنا عارفة إنو الحشرات ممكن تكون بسبب المطر ,,
بس أكيد مليون في المية دا مو السبب الوحيد ,,
القرف والزبالة المتكومة لها دور كبير ,,
والله ونحن دوبنا جايين نبغى نجلس ,,
الناس اللي جنبنا خلاص يبغو يروحو ,, وسجادتهم والأرض حولينهم مليانة فصفص ,,
مدري كيف هما راضين وجالسين وسط المنظر المقرف دا حتى لو كانت وساختهم بس قرف ,,
وآخر شي لمن قامو نفضو السجادة وكل قشر الفصفص طبعا على الأرض في كل مكان ,,
وراحو مشيو ولا كأنو عملو حاجة ,,
إيش قلة الأدب دي ؟؟ إيش القرف دا ؟؟ 
متخيلين الشي دا ؟؟
دا الشي بيتكرر في كل وقت وفي كل حتة في جدة ,,
عشان كدا صرنا عايشين وسط مزبلة للأسف ,,
يا ناس عيب علينا والله نحن مسلمين ,, 
طيب إيش كان حيكلف عليهم لو جابو كيس وحطو فيه كل زبالتهم وهما ماشيين رموه في أقرب زبالة ؟؟
نحن الحمدلله جبنا معانا كيس ,, كيس عادي حق سوبر ماركت ,,
حطينا فيه كل زبالتنا ولمن قمنا أديناه لعامل النظافة يرميه ,,
ليش ما كل واحد يخلي في سيارتو كيس صغير ,,
يحط فيه أي شي بدو يرميه ومرة وحدة يرمي الكيس في أقرب برميل زبالة ,,
بدل ما كل واحد يرمي زبالتو من شباك السيارة ,,
شوفو منظر شوارعنا ,, والله مشوهة ,,
أنا بس حتكلم دحين على الزبالة محا أتكلم عن الأشياء التانية اللي بتشوه مدينتنا الغالية ,,
نفسي أعمل حملة تطوعية لتنظيف مدينة جدة ,, وأول شي تنظيف الكورنيش والبحر ,,
ولو بيدي أحط غرامة مالية عالية جدا جدا لكل شخص يرمي حاجة على الأرض ,, 
أو ( عذرا ) يفتح باب يسيارتو ويتفل ,,
بليييز يا جماعة اللي عندو قدرة يعمل الحملة دي أو أي شي لا يستنى ,,
من أبسط حقوقنا إنو نعيش في مكان نظيف ,,
بدون مناظر مؤذية للعين ومضرة بالصحة ,,
معليش أنا عارفة في غيري كتير أتكلمو في الموضوع دا ,,
بس اللي شفتو أمس يخليني ما أقدر أسكت أنا برضو ,, 
لعل وعسى نحس على نفسنا ,,
وسوري على بعض الكلمات المقززة اللي كررتها ,,
بس كان لازم ,,
,,
نرجع لموضوع الصورة ,, لوووول ,,
بس هادي حكايتها راح عليا الوقت الي كنت اتمناه للتصوير بسبب التأخير ,,
ثانيا الحتة العفة والحشرات سدولي نفسي ,,
دققو النظر في أسفل الصورة ,,
حتلاقو الشي اللي كنت أتكلم عنو ,,
وطبعا اللي في الصورة ولا شي من اللي شفتو ,,
,,,,
Bad New
أمس كمان أتلقيت خبر سيئ وحزين في نفس الوقت ,, 
يخص إنسانة قريبة وغالية على قلبي مررررة ,,
ما أقول غير ياربي إجبر كسرها ,,
وفرج همها وخلي المياه ترجع لمجاريها وأحسن كمان ,,
عاجلا غير آجلا يارب ,, 
,,,,
دمتم بود ,, 
أحدث التعليقات