Like this:

Hi

دي اليومين مرررا متحمسة لأشياء كتيرة ,,

إن شاء الله كل ما حققت أي شي منها ,,

حأجي أوريكم ,,

,,

قبل كم يوم رحت إيكيا ,,

وأول ما وصلت فطرت أول شي ,,

والله الفطور مرررا كان جيد ,,

بس لا تنفجعو ما أكلت دا كلو لوحدي ,,

كانو معايا أختي ومرت خالي وأولادها ,,

المهم ,,

أنا رحت إيكيا عشان أبغى أتفرج على الأشياء الجديدة ,,

لأني ناوية أجدد في غرفتي شوية ,,

حاجات بسيطة ,,

وحابة آخد رأيكم أكيد ,,

ولمن رحت ركزت على كم حاجة لفتت نظري هناك وصورتها بكاميرا جوالي ,,

عشان أرجع أفكر وآخد رأيكم ورأي أهلي ,,

صراحة أنا أبغى أجدد إكسسوارات الغرفة وحابة أشتري كنبة يكون حجمها وسط ,,

عشان يعني لمن يجوني صحباتي نجلس عليها لأنو غرفتي مافيها مكان للجلوس غير السرير ,,

وغرفتي طلاء الجدران فيها أصفر فاتح ناعم مو فاقع ,,

والأثاث لونو خشبي فاتح برضو أخدتو من إيكيا قبل 4 سنين تقريبا ,,

وأنا مركزة كنت على اللون الأحمر كلون جنب الأصفر ,,

لكن بصراحة مليت وأبغى أغير ,,

بس محا أقدر يعني أبعد كتير في الألوان عن الأحمر والأورنج والألوان اللي قريبة منهم ,,

لأنو بصراحة مرة ما أبغى أغير لون البويا ,,

فشوفو معايا الصور ,,

دي مفارش للسرير لفتتني ,,

ودي الكنبة عجبتني بفكر أشتريها ,, إيش رايكم ؟؟

ولو لقيت في مكان ممكن كمان آخد الصغيرة منها ,,

ودا الكرسي عجبني للتسريحة ,,

وبالنسبة للستارة القماش اللي في النص ,,

ودي الأبجورات حبيتهم حسيتهم ناعمين ,,

وماني عارفة ليه داخل في مزاجي كمان اللون الأخضر العشبي ,,

نفسي كدا أدخلو في تركيبة الألوان لو بشي بسيط ,,

فشفت دي الأبجورة ,,

بس أختي تقولي لا حيطلع شكلها شاز ومو مناسب في الغرفة ,,

فماني عارفة ؟؟

إنتو إيش رأيكم ؟؟ وإيش إقتراحاتكم ؟؟

وهنا موقع إيكيا ,,

IKEA – Saudi Arabia – Home

وهنا الكاتالوج ,,

IKEA

فا اللي حاب يشاركني رأيو وزوقو يتفضل ,,

أرحب بكل الآراء ,,

ومستنية الكومنتز ,,