AROMA

أوهابوو ,,

,,

الأيام اللي فاتت كانت مرررا صعبة ,,

أختي مرررا تعبت وأتنومت في المستشفى ,,

وكل يوم إسعاف من مستشفى لمستشفى ,,

بس الحمدلله دحين خرجت وجات البيت ,,

بس كل أسبوع لازم تروح المستشفى عشان تاخد جرعة كيماوي ,,

الله يأجرها على تعبها وألمها ,,

والله يشفيها يارب ,,

ما أقدر أوصفلكم المشاعر اللي حسيت بيها ,,

بختصار ( ألم قلب ) بكل ما تعنيها الكلمة ,,

بصراحة ما أقدر أفصل أو أشرح أكتر من كدا ,,

لأنو بجد الموضوع دا مؤلم بالنسبة لي ,,

بس الحمدلله على كل حال ,,

كلنا متفائلين وأملنا بالله كبير ,,

دعواتكم ,,

,,

واشف أنت الشافي ,, لا شفاء إلا شفاؤك ,,

شفاء لا يغادر سقما ,,

,,

اللهم إني أسألك من عظيم لطفك وكرمك وسترك الجميل ,,

أن شفيها وتمدها بالصحة والعافية ,,

,,

اللهم اشفها شفاء ليس بعده سقما ابدا,,

اللهم خذ بيدها اللهم احرسها بعينيك التى لا تنام ,,

و اكفها بركنك الذى لا يرام و احفظها بعزك الذى لا يُضام ,,

و اكلأها فى الليل و فى النهار ,,

و ارحمها بقدرتك عليها ,,

أنت ثقتها و رجائها يا كاشف الهم ,,

يا مُفرج الكرب ,, يا مُجيب دعوة المُضطرين ,,

اللهم البسه ثوب الصحة والعافية ,,

عاجلا غير اجلا ياأرحم الراحمين ,,

اللهم اشفها اللهم اشفها اللهم اشفها ,,

اللهم امين ,,
,,

دعواتكم لأختي بالشفاء العاجل ,,

عيدكم مبارك ,,

وكل عام وأنتم بخير ,,

,,

أنا رايحة الطايف اليوم ,,

حعيد هناك 3 أيام ,,

أشوفكم على خير ,,

سيياا ,,

كل سنة أحاول أشتري ملابس العيد ,,

من شعبان ورجب ,,

عشان ما يصير رمضان كلو أسواق ,,

لكن مافي فايدة ,,

لازم من السوق في رمضان ,,

ودي بعض الأشياء اللي أشتريتها ,,

جينزات أظن من محل اسمو دورثي في الرد سي ,,

بلوزة من مانقو ,,

ترى لونها مو كدا ,,

بس كاميرتي فيها كلوركس ,, D:

عطر من مكياجي ,,

ميك أب من مكياجي ,,

إكسسوارات منوعة ,,

من ألدو ,,

من ميلانو ,,

شنطة من ميلانو ,,

مدري كيف دي السنة لقيت الشنطة بسرعة ,, D:

ولا أنا كل سنة أتعب لمن أشتري شنطة ,,

ما يعجبني العجب ,,

لوووول ,,

إيش رايكم في أغراضي ؟؟

لا يفوتكم إيش صار أمس !!

بعد ما خلصنا من الفطور جلسنا في الصالة ,,

أنا وأخواتي وأخويا ,,

وفجأة جاني إنتقاد لاذع ,,

إنتي ما كأنك الأخت الكبيرة ,,

ما صدقتي ماما جات من السفر ,,

صرتي بس تنامي ,,

وما تساعدي في المطبخ ,,

وأنا أسمع وساكتة ,,

صراحة أعترف إني أستحق التهزيء دا ,,

لوووول ,,

بعدين لمن شفت الكلام كلو صار على إنتي الكبيرة ,,

قلتلهم ,,

أنا هادا الشي ما أخترتو بنفسي ,,

هوا جاني لحدي وأنا اللهم لا إعتراض ,,

لكني بصراحة ما أبغى أكون الكبيرة ,,

وأنا متنازلة عن منصبي ,,

اللي يبغاه يتفضل ياخدو ,,

وكلهم قالو ,,

لا شكرا ,,

أصلا مين اللي يتمنى يكون مكانك !!

و وقتها أختي ( جنا ) آخر العنقود كانت بعيدة ,,

وما سمعت الهرجة ,,

فا أخويا قال ,,

إيش رايكم نسوي تبادل بين ندى وجنا ؟

وهما أتحمسو وأنا ساكتة وأضحك جوا نفسي ,,

لأني حسيت إنو حيصير شي مرررة كاااي ,,

ولمن جات جنا قالولها ,,

تتبادلي إنتي وندى ؟

تصيري إنتي الكبيرة وهي الصغيرة ؟

تخيلو قالت إيوا ,,

قالولها ,,

حتسوي كل الأشياء اللي ندى تسويها ,,

وما تسوي اللي هي ما تسويه ,,

ولازم تحبي كل اللي هي تحبو ,,

واللي ما تحبو ما تحبيه ,,

وهي حتاخد منك كل شي ,,

غرفتك وأشيائك ,,

وإنتي تاخدي منها كل شي ,,

غرفتها والاب توب والجوال ,,

وتشتغلي مع ماما في المطبخ ,,

وحطولها قائمة طويلة بكل الممنوعات ,,

وكل المسؤليات ,,

وبعد دا كلو قالت موافقة على التبادل ,,

وربي مرا ضحكتني ,,

إيش عندي أنا قد كدا عشان تبغى تصير مكاني !!

وكان المفروض في التبادل إنو نتبادل كل شي ,,

كأنها تعيش حياتي وأنا أعيش حياتها ,,

يعني كل اللي كان ليا حيصير ليها ,,

وكل اللي كان ليها حيصير ليا ,,

وأنا صراحة لمن شفت الوضع صار كدا قلت ,,

لا ,,

أنا أعترض ,,

لو سمحتو أنا أتنازلت عن منصبي ,,

مو عن حياتي وغرفتي وأغراضي ,,

قالولي ,,

أسكتي إنتي بس ,,

خلينا نشوف هي إيش حتسوي ,,

خلينا بس نضحك عليها ,,

وبعدين أخويا مرررا أتحمس ,,

جاب ورقة وقلم وقال ,,

يلا أكتبو إقرار على نفسكم بهدا التبادل ,,

ويلا توقيع وشهود وكل شي ,,

واللي تخالف حتتعاقب ,,

والمسكينة جنا جابت ورقة وقلم ,,

وقعد أخويا ينقلها إيش تكتب ,,

بعدين جا دوري أنا أكتب وشوفو إيش كتبت ,,

خخخخخخخخخخخخخخخخخخخخخ ,,

حسيت نفسي مجرمة ,,

بس لا أحد يعلق على الخط ,,

لووول ,,

وجنا عاشت الدور صح ,,

وأول شي قالتلي ياه كيف أستخدم كاميرتك ؟؟

وأنا في قلبي أقول ,,

لاااااااااااااااااااااااااااااااا ,,

كلو ولا الكاميرا ,,

المهم مشينا التمثلية عليها شوية وضحكنا ,,

لأنها من جد عايشة الدور ,,

آخر شي ماما قالت لها سيبيكي منهم ,,

ولا تسمعي كلامهم ,,

أخر شي قلتلها إنتي صدقتي دا كلو ؟؟

طالعت فيا أول شي وسكتت بعدين قالت لأ ,,

أنا هنا فكيت ضحك ,,

هدا كلو وإنتي ما صدقتي !!

أجل لمن حتصدقي إيش حتسوي ؟؟

وبس دا اللي حصل ,,

حكاية في حياتي لا تنتسى ,,

وحخلي الورقة اللي كتبنا فيها ذكرى ,,

حوريها ياها لمن تكبر وأذكرها با لإقرار اللي كتبتو على نفسها ,,

ويمكن كمان أوريها لأولادها ,,

خخخخخخخخخخخخخخخخخ ,,

,,

نصيحة اليوم ,,

لا تصيرو بريئين زيادة عن اللزوم ,,

,,

دمتم بود ,,

=)

هايووو ,,

أنا من الناس اللي أحب الهدايا ,,

وأحب لغة الهدايا مرررة كتير ,,

دايما أحب أقدم وأتلقى الهدايا من الناس ,,

وقبل كم يوم قابلت صحبتي غدو في الرد سي ,,

عشان أعطيها هدية بمناسبة تخرجها ,,

وأتفاجأت إنو هي كمان بتديني هدية ,,

ربي ما يجرمني منك يا أحلى غدو ,,

مررا حبيت القفت ,,

ودي كانت هديتي ليها ,,

والحمدلله إنها حبتها ,,

وتذكرو دايما قول الرسول صلى الله عليه وسلم :

( تهادو تحابو )

قدمو الهدية وإكسبو أجر ,,

تكسبو حب الناس وكمان تسكبو حسنات ,,

=)